Алғыс айту күні

Алғыс айту күні – иық тіресіп, қиын-қыстау кезеңдерді бастан өткеріп, аз ғана уақытта бірігіп, Тәуелсіз Қазақстанды құрған еліміздің барша азаматтарының бір-біріне деген құрметі. Алғыс айту күні – қазақстандық бірегейліктің және Қазақстан халқын ғасырлар бойы біріктірген Мәңгілік Ел жалпыұлттық патриоттық идеясының негізіне айналған Қазақстан халқы Ассамблеясының күні. Алғыс айту күні – қазақ патриотизмінің, достығының, мәдени әралуандықтың ұлы күні, өйткені этностардың әрқайсысының өзіндік ерекшелігі бар және олардың барлығы бірігіп Біртұтас ұлтымызға бірегей артықшылық береді. 1 наурыз күні колледжде «Жүрегіңді мейірімділікке үйрет» атты акция-концерт өтті. Шара барысында волонтер жетекшілеріне еңбектері және колледждің волонтерлік қозғалысын дамытуға белсенді қатысқандары үшін алғыс хаттар табыс етілді.